எங்க ஆயாகிட்ட பிடிக்காத பத்து..

எங்க ஆயாவுக்கு என்கிட்ட பிடிக்காத ஐந்து விஷயங்கள் :

1 அவங்க டீவி சீரியல் பாக்குறப்ப கண்டமேனிக்கு சேனலை மாற்றுவது..

2 அவங்க சாப்பிடுரப்ப "வயசானா கம்மியா சாப்பிடனும் இப்படி ரைஸ் மெஷின் மாதிரி
அரைச்சு தள்ள கூடாது"..அப்படின்னு கண்ணு வைக்கிறது.

3 எதாச்சும் பூஜை நடக்குறப்ப வரிசையா மாட்டி இருக்குற எல்லா ஃபோட்டோவையும் தொட்டு கும்பிட்டு விட்டு இறந்துப்போன தாத்தா ஃபோட்டோவ மட்டும் கும்பிடமா நக்கலா திரும்பி எகத்தாளமா அவங்களை பார்த்து சிரிக்கிறது.

4 எங்க அப்பா அம்மா வீட்டுல இல்லாதப்ப என்கிட்டே அவங்கள பத்தி பொலம்ப்பரப்ப.."அய்ய..நான் என்ன உன் புருஷன்னா என்கிட்டே இன்னமோ உன் மாமியார் மாமனாரை கொற சொல்லுற மாதிரி பொலம்புற"..என்று பொறியறது.

5 பக்கத்து வீடு கிழவிக்கிட்ட என்ன பத்தி பெருமையா "வினோத் ரொம்ப அமைதியான மரியாதை தெரிஞ்ச பையன்" என்று சொல்லும்பொழுது "ஏய் கிழவி டிவி ரிமோட் எங்க வச்ச"..என்று நான் கேக்குறது.

எனக்கு எங்க ஆயாகிட்ட பிடிக்காத ஐந்து விஷயங்கள்..

1 எல்லா பசங்களும் பொதுவா விளையுடுரப்ப என்ன மட்டும் தனியா கூப்பிட்டு வாயுல லட்டு, ஜிலேபின்னு திணிக்கிறது..எவனாச்சும் அதை உற்று பார்த்தான் என்றால்.."கொள்ளியுல போறவன் வளருற புள்ள சாப்பிடறத இப்படியா பார்ப்பான்"..என்று அவங்களை திட்டுறது.

2 நான் வீட்டுக்குள் நுழைவதை பார்த்தவுடன் ரிமோட்டை எடுத்து ஒளித்து வைப்பது.

3 யாராச்சும் பொண்ணுங்க தப்பி தவறி வீட்டுக்குள் வரப்ப அவங்க கேக்குற மாதிரி "ஏன்டா வினோத், பல்லு விளக்கிட்டு சாப்டா என்னடா" என்று தெளிவாக சொல்லுவது.

4 டீவில எதாச்சும் "முக்கியமான" அக்ஷன் படங்கள் இரவு நேரங்களில் பார்க்கும் பொழுது "டக்" என்று விளக்கை போட்டு என்னை "திக்" ஆக்குவது..

5 "அய்யயோ அந்த ரவி பயலுக்கு இப்படி ஆயிடுச்சே" என்று சீரியல்லில் வரும் பாத்திரங்களை எல்லாம் நினைத்து கண்ணீர் விட்டு புலம்புவது.

டிஸ்கி: எது எப்படி இருந்த என்ன மொத்தமா பத்து வருது இல்ல அதான் மேட்டர்..