பதிவர் சந்திப்பு-துபாய்.

முதல் நாள் இரவு :

துபாயில் பதிவர் சந்திப்பு அண்ணாச்சி தலைமையில் நடைப்பெறுகிறது என்று பதிவை பார்த்தவுடனே முடிவு பண்ணிட்டேன்..இந்த தடவையும் போய் விடுவது என்று..
முதல் நாள் இரவே ஆப்பரசன் ச்சே கலையரசன் அறையில் போய் தங்கிவிட்டேன்.நான் வருவதை முன்னாடியே தெரிந்து வைத்து இருந்ததால் என்னை எப்படி சீக்கிரம் துரத்தவது என்று அவர் செய்த பிரியாணியை கொடுத்து முதல் அஸ்திரத்தை எனக்கு எதிராக வீசினார்..அசருவேனே நான் அசால்ட்டா ஒரு முழு ப்ளேட் அடிச்சிட்டு அப்புறம்னு திரும்பினேன்..இரண்டாவது அஸ்திரமாக அவர் தனக்கு தானே எடுத்துக்கொண்ட புகைப்படத்தை எல்லாம் தன்னுடுய கணினியை திறந்து எனக்கு போட்டு காட்டினர்..இந்த தடவை சற்று கிர் அடித்தாலும் சுதாரித்து கொண்டேன்..அதற்கு அப்புறம் எனக்கு எதிராக தாக்கு பிடிக்க முடியாமல் இங்கேயே தங்கி தொலை என்று மனதில் நினைத்து கொண்டார்..

பதிவர் சந்திப்பு நடந்த நாள்..

சாயங்காலம் கிளம்பி நின்று கொண்டு இருந்த என்னையும் கலையையும் சுந்தர்ராமன் சார் வந்து அழைத்து கொண்டார்..அவரின் வீட்டுக்கு சென்ற பின்னர் அங்கு இருந்து கிளம்பி கரமா பூங்காவை சென்று அடைந்தோம்..நாங்கள் வருவதற்கு முன்பே செந்தில்வேலனும், கார்த்திகேயனும் வந்து இருந்தனர்.

அதன்ப்பிறகு ஒவ்வொருவராக வர தொடங்கினர்..அண்ணாச்சி என்று சொன்னவுடன் நான் எதோ பெரியவர் என்று நினைத்து எதிர்ப்பார்த்து வந்தவுடன் பார்த்தால் வந்தவர் 'யூத்'..சரி தான் என்று நினைத்துக்கொண்டு வடை டப்பாவை பார்த்தால் கலை கையில் கெட்டியாக பிடித்து இருந்தார் ஆனால் குசும்பன் 'கால்' செய்து தான் வரும் வரை யாரும் அதை திறக்க கூடாது என்று சொல்லி இருந்ததால் அவர் வந்தப்பிறகு தான் திறந்தனர்.. அதன்ப்பிறகு விவாதிக்க தொடங்கினோம்..

முக்கியமான துளிகள் சில..

* இனிமேல் யாரும் மொக்கை போடுவதாக இருந்தால் கூட அதை வேறு தளத்தில் மொக்கை போடவேண்டும் என்று உறுதிமொழி எடுத்துக்கொண்டோம்.

* புது பதிவர்கள் பழைய பதிவர்கள் என்று யாரும் கிடையாது..உங்களுக்கு எதாவது பண உதவி தேவைப்பட்டால் கூட நான் மூத்த பதிவர் தானே என்று எந்தவிதமான தயக்கமும் இல்லாமல் என்னை அணுகலாம் என்று அண்ணாச்சி ஒருஅதிரடி அறிவிப்பை வெளியிட்டார்.

* குசும்பர் ரொம்ப வேர்த்ததால் அங்கே ஆசாத் அண்ணாச்சி எடுத்து வந்து ஒரு புஸ்தகத்தில் ஒரு புத்தகத்தை தேடி கண்டுப்பிடித்து ரொம்ப வேகமாக விசிறினார்..அந்த புஸ்தகம் எந்த புஸ்தகம்ன்னு சொல்லி பதிவு 'உலகில்' நான் 'விளம்பரம்' தேடி கொள்ள விரும்பவில்லை.

* "கிழை ராசா" எல்லாரையும் வளைத்து வளைத்து படம் பிடித்து கொண்டுஇருந்தார்..அதே மாதிரி படம் எடுத்த வேகத்தில் முதல் பதிவை போட்டு தான் 'கில்லி' என்பதை நிருபித்து விட்டார்..

* அய்யனார் எப்பொழுதும் போல் "எதாவது உருப்படியா பண்ணுவோம்" என்றுசொல்லி கொண்டு இருந்தார்..ஆனால் அதை 'என்னை' தவிர யாரும் காதுகொடுத்து கேட்டதாக தெரியவில்லை..

* பதிவர் நாகா இப்பொழுது தான் எழுத தொடங்கி..அவரின் எழுத்து நடையின்முலம் குசும்பன் மாதிரி சற்று வயதான,அனுபவ பதிவரில் இருந்து என்னைமாதிரி இளைய பதிவர் வரை கவர்ந்து உள்ளார் என்பதை ஒருமனதாக எல்லோரும் ஒத்துக்கொண்டோம்..அவரோடைய வாசிப்பனுபவம்(கொஞ்சம்சீரியஸ்ஸா தாங்க சொல்றேன்) தான் இதற்கு காரணம் என்று அய்யனார் சொன்னார்.

* செந்தில்வேலனின் எழுதிய 31 பதிவுகளில் 24 பதிவுகள் யூத்ஃபுல் விகடனில் வந்து இருக்கும் பொழுதே அவரின் பதிவு தரத்தை நம்மால் உணர முடிகிறது என்று பேசிக்கொண்டோம்.

* தினேஷ் என்ற இலங்கை தமிழ் அன்பரும் வந்து இருந்தார்..அவரின் தமிழ் கேக்க அழகாக இருந்தது.

* ராஜேந்திரன் என்ற அன்பரும் இந்த பதிவர் சந்திப்பு விஷயத்தை தெரிந்துக்கொண்டு கலந்துக்கொண்டார்.

* நான் ஆதவன்,கோபிநாத் அப்புறம் சென்ஷியும் ஒரு குருப்பாக வந்துஇறங்கினார்கள்..நான் சென்ஷி வயதானவராக இருப்பார் என்று கற்பனை செய்துகொண்டு இருந்த எனக்கு பெரும் அதிர்ச்சி.. "சற்று வயதானவர்" அவ்வளவே மடை திறந்த வெள்ளம் போல் பேசி கொண்டு இருந்தார்..

* ஆசாத் அண்ணாச்சி நமக்கு தெரிந்ததில் ஒரு 10% தான் பதிவாக எழுத வேண்டும் என்றார்..அப்படி பார்த்ததால் நான் எல்லாம் ஒரு இடுகைக்கு ஒரு வரி மட்டும் எழுதிவிட்டு ஓடி விட வேண்டியது தான் என்று நினைத்துக்கொண்டேன்.

* ஆசிப் அண்ணாச்சி "யாராச்சும் எதாச்சும் பேசுங்கப்பா, அட வாய திறந்து பேசுங்கப்பா " என்று சொல்லியும் யாரும் பேச முன் வராததால் அவர் மட்டுமே பேசிக்கொண்டு இருந்தது போல் எனக்கு ஒரு பிரமை..(பிரமை தான் உண்மைஅல்ல.)

* படகு என்ற பெயரில் எழுதும் ஒரு பெண் பதிவரும் கலந்துக்கொண்டார்.

* ஆப்பு மற்றும் ஆப்பரசன் யாராக இருக்கும் என்று பயங்கரமாக விவாதம் நடைப்பெற்றது..கடைசி வரை என்னால் யூகிக்க கூட முடியவில்லை.

* கிளியனூர் இஸ்மத் தன்னுடுய முந்தைய ப்ளாக் தொலைந்து விட்டது என்று வருத்தப்பட்டார். என்னோட ப்ளாக் கூட தொலஞ்சு போச்சு தல என்று சொல்ல நினைத்தேன் ஆனால் மறந்து விட்டேன்.

* ஜுபேர் அவ்வபொழுது அனைத்து பதிவர்களையும் சிரிக்க வைத்துக்கொண்டு இருந்தார்.

* சுல்தான் அண்ணாத்தே கடைசியா வந்து ஜோதியில் ஐக்கியம் ஆனார்..

* இன்னும் சில பதிவர்கள் க்ருப்பாக கலந்து கொண்டு சிறப்பித்தனர்.

* யார் பேராவது விடப்பட்டு இருந்தால் மனிக்கவும்.

டிஸ்கி: கலையரசன் சுந்தரராமன் சார் வீட்டிலேயே ஒரு வடை டப்பாவை காலி செய்து விட்டார் என்பது எனக்கு மட்டுமே தெரிந்த ரகசியம்.