என்னை பார்த்தா எப்படிங்க தெரியுது..

அது ஏன் எனக்கு மட்டும் இப்படி..இல்லை நான் மட்டும் தான் எல்லோருக்கும் இப்படி தெரியுரனா..என்னன்னு கேக்குறிங்களா..இருங்க சொல்றேன்..

முதல்ல லவ் மேட்டர்ல இருந்து ஆரம்பிப்போம்.

நான் பாட்டும் காலேஜ்ல படிக்கிறப்ப செவ்வனேன்னு ஹாஸ்டெல்ல படுத்து தூங்கிட்டு இருப்பேன் அங்க இருந்து நம்ம பய வருவான்..வந்த வேகத்துலேயே என்க்கிட்டசொல்லமாட்டன் ஆர்டர் தான் போடுவான் "மச்சான் கிளம்பு போகலாம்"..
"எங்கடா"..நான்.
"அகிலாண்டேஸ்வரி காலேஜ் வரைக்கும்"..(அது நாங்கள் படித்தகாலேஜில் இருந்து ஒரு பத்து மைல் தள்ளி உள்ளது)

"டேய்..உன் ஆள பார்க்க நீ போற நான் எதுக்குடா"..நான் .
"மச்சான் நீ வந்த தாண்டா ஒரு கெத்தா இருக்கும்..எனக்கு ஒரு சப்போர்ட்தான்..ஒரு பிரச்சனைனு வந்த கூட நீ ஒரு ஆள சமாளிப்ப இல்ல அதான்.."

இதுக்கு அப்புறம் நான் போவாம இருக்க முடியுமா அதான் வாயே திறக்கமுடியாதப்படி வாயுல ஐஸ் கட்டிய வச்சி தினிச்சிட்டானே..

ஆனா அங்கபோனப்பிறகு தான் தெரியும் அவன் காதல் பிரகாசமா "ஆயிரம் வாட்ஸ்" பல்பு மாதிரி எரியறதுக்கு நம்மள 'ஃபியுஸ்' போன பல்பு ஆக்கி மூலையில உக்கார வச்சு இருப்பான்னு..அட அவன் ஆளு அதுக்கு சப்போர்ட்ட்டா என்னை மாதிரி ஒரு "அல்லகையை" (பெண்ப்பால்) அது கூட கூப்பிட்டு வரும் அவன் ஆளு என்ன பார்த்த உடனே என்ன நினைக்குமுன்னு தெரியாது உடனே "உனக்கு டைம்ஆயுடுச்சில நீ போனு" அதை கிளப்பி விட்டுரும்..என்ன வில்லத்தனம் இல்ல.

இது மாதிரி சம்பவம் காலேஜ் படிச்சு முடிச்சப்புறம் கூட என்னை விடமா தொரத்திட்டு வந்து இருக்குங்க..

வீட்டுல அமைதியா உக்கார்ந்து இருப்பேன்..ஒரு கால் வரும்..

"மச்சான் என் ஆளை பார்க்க தஞ்சாவூர் வரைக்கும் போறேன் கூட வாடா அப்படின்னு"..கூப்பிடுவான் "இவன்" சிதம்பரத்துல இன்னொரு ஃப்ரென்ட்..

"டேய்..உன் ஆளு இருக்குறது தஞ்சாவூர்..நீ இருக்கிறது சிதம்பரம்..நீஅங்கே இருந்து போக வேண்டியது தானே..இதுக்கு எதுக்குடா பாண்டிச்சேரில இருந்து நான் வரணும்.."

"இல்லை..மச்சான் நம்ம செட்ல நீ தான் ரொம்ப நல்லவன்..மத்தவன் எல்லாம் வந்தா எதாச்சும் பிரச்னை பண்ணுவானுங்க..உன்ன மாதிரி டிசென்ட்டா வரமாட்டனுங்க அதாண்டா உன்னை கூப்பிடுறேன்..வந்தா திருப்பி வரப்ப வேணா பார்க்கு போலாம்டா"..அப்படின்னு ஒரு பிட்டு சேர்த்து ஓட்டுவானுங்க..இதுக்கு அப்புறம் நான் போகம்மா இருப்பன ஏன்னா அடிப்படையா எனக்கு ரொம்ப இளகின மனசு வேற..அதனால போயுடுவேன்..

இது எல்லாம் கூட பொறுத்து போலமுங்க சில நாதாரிங்க நான் வீட்டுல பெரும்பாலும் தனியா இருக்கிறத தெரிஞ்சிக்கிட்டு..

"மச்சான்..ஏன் ஆளு கூட பேசணும்டா வெளியே கூப்டிக்கிட்டு போன பிரச்னை ஆகிடும்..உங்க வீடு ச்சும்மா தானே இருக்கு..ஒரு அரை மணிநேரம் பேசிட்டு ஓடி போய்டுவோம்டா மச்சி.."

"டேய்..இங்க என்ன நான் வீட்டுக்கு வெளியே எதாச்சும் போர்டு மாட்டி தொங்க விட்டுருக்கான..என்ன நினைச்சிட்டு இருக்க.."

"மச்சி..சத்தியமா சொல்றேன் அரை மணி நேரம் தான்டா..பேசிக்கிட்டுதான் இருப்போம்..நீ வேணா பக்கத்துல உக்கார்ந்து பாரு"

"டேய்..அப்புறம் வாயுல எதாச்சும் வந்துற போகுது..சான்சே இல்லை வேற வீடு பாரு..ச்சே வேற ஆளு பாரு..."

"சரிடா..நாளைக்கு அவ ஃபிரென்ட் மீனா வேற ஏன் ஆளு கூட வரேன்னு சொன்ன..அவ வேற எதோ உன்னை பத்தி விசரிச்சாலம் "வினோத் எப்படி நல்ல பையனா"..அப்படினு..ஏன் ஆளு சொன்னஅதுக்கப்புறம் உன் இஷ்டம்டா. " ..

"டேய்..அரை மணி நேரம் தானே பேசப்போற சரிடாப்போ.,ஆமாம் மீனா எப்படி இருப்பா.."..நான்.

இதுக்கு அப்புறம் ஒரு கோஷ்டி இருக்கு..வருவானுங்க கிளம்பி பாண்டிக்கு வந்து மூக்கு முட்ட குடிச்சிட்டு போறப்ப ஏன் பாக்கெட்ல ஒருமூநூறு ரூபா வச்சிட்டு..

"மச்சான் வரப்ப ரெண்டு ஃபுல் புடிச்சிட்டு வந்துரு "

"ஏன்,நீங்க ஊருக்கு தானே போறீங்க நீங்க வாங்கிட்டு போகமாட்டிங்களோ.."..நான்.

"டேய்..இருந்தாலும் உனக்கு தானே செக் போஸ்ட் தாண்டி எப்படி எடுத்துட்டு வரர்தன்னு அந்த நேக்கு போக்கு தெரியும்.."

"டேய்..நான் என்ன கள்ளகடத்தல் பிசினஸ் பண்ணுரனா என்னா.."

"அதுக்கு இல்லை மச்சான் நீ தான் நம்ம செட்ல ரொம்ப தைரியசாலி,திறமையானவன்..எந்த பிரச்னை வந்தாலும் ஒத்த ஆளா நின்னு சமாளிப்ப அதான் சொல்றேன்.."

"..."..நான்.

இவ்வளவு ஏங்க இப்ப வேலை பாக்குற இடத்துல ஆபீஸ்பாய் ஆயிரம் பக்கத்துக்கு மேல மத்தவங்க சொல்ரங்கனு ஜெராக்ஸ் போடுவான்..இதே நான் ஒரு பத்து பக்கத்துக்கு போய் நின்ன கூட..

"பத்து பக்கம் தானே..நீயே போட்டுக்கோ வினோத்..இதை நான் வேற யாருக்கிட்ட சொல்லமுடியும் சொல்லு உன்கிட்ட தான் சொல்லமுடியும்..ஏன்னா எனக்கு தெரியும் நீ ரொம்ப நல்லவன்..அப்படியேஎனக்கு ஒரு பத்து பக்கம் போடணும் அதையும் போட்டு கொடேன்.."

இப்ப சொல்லுங்க இவங்களுக்கு எல்லாம் என்ன பார்த்த எப்படிங்க தெரியுது.