துபாய் ஜூன் இறுதி வார பதிவர் சந்திப்பு ஒரு முன்னோட்டம்..

ஜூன் 5, 2009.. செயற்குழு கூட்டம்..
ஜூன் இறுதி வாரத்தில் நடக்க போகும் பதிவர் சந்திப்பை வெற்றிக்கரமாக நடத்த வேண்டி செயற் குழு கூட்டம்..

போர் படை வீரர்களே பொங்கி எழுங்கள் புரட்சி வெடிக்கட்டும்..
நாளைய நமது வெற்றியை சொல்லட்டும் சரித்திரம்..
நடக்கப்போகும் பாசறை கூட்டத்தினால் அமீரகம் அதிரட்டும்..

வெகு நாட்களாக இதே மாதிரி எழுதி எழுதியே "ஐயோ இவனா" என்று அடுத்தவரை பிடாரியில் கால்ப்பட தெரித்து ஓட வைத்த நமக்கு நேரில் சந்தித்து உரையாற்ற ஒரு வாய்ப்பு..

இனி நம் போர்ப்படை தளபதி கண்ணா களத்தில் இருந்து எழுதிய சில குறிப்புகள்..

அமீரகத்தில் பதிவர்கள் மாநாடு (அதாங்க பதிவர்கள் சந்திப்பு) இந்த ஜுன் மாதம் 3வது அல்லது 4வது வாரம் நடத்திவிடலாம் என்று முடிவெடுத்து..ஆசிப் அண்ணாச்சி ஊரிலிருந்து வந்தவுடன் இடம்முடிவு செய்து அறிவிப்பு வெளியிடபடும்..அந்த மாநாடை சிறப்பாக நடத்தி காட்ட பதிவர்களின் சாதாரண செயற்குழு கூட்டம் வரும் ஜுன் 5ம் தேதி வெள்ளிகிழமை “சிம்ரன் ஆப்ப கடையின்” முன் உள்ள கராமா பார்க்கில் கூடவிருக்கிறது...இதில் பல்வேறு அதிமுக்கிய தீர்மானங்கள் நிறைவேற்றவிருப்பதால் வசதிபடும் பதிவர்கள் கலந்து கொள்ளவேண்டும் என அழைப்பு விடுக்கபடுகிறது..அமீரகத்திலிருந்துதான் அதிக அளவில் அனானிகள் உலவுவதாக ஏஜென்சி செய்திகள் தெரிவிக்கின்றன. ஆகையால் சிறப்பு தீர்மானமாக கோடிகணக்கில் குவிந்துள்ள அனானிகளை அழைக்கவும் என்னிடம் ஓரு திட்டம் உள்ளது. அதை இப்போது சொல்ல மாட்டேன். சொன்னால் சென்னை மற்றும் மதுரை பதிவர்கள் காப்பி அடித்து விடுவார்கள்.. அதனால் எனக்கு ஓட்டு போடுங்கள் ..(வாழ்க விஜயகாந்து..)

மேற்கொண்டவாறு போர்ப்படை தளபதி கண்ணா குறிப்பு இயற்றி உள்ளார்.
இதுவரை சரித்திரத்தில் இல்லாத அளவுக்கு தன்னுடுய குறிப்பு செய்தி மற்றவர்களின் நெஞ்சில் நங்கூரம் இட்டு பாய்வதை போல் சொல்லி இருக்கிறார்..
வரலாறு அது தன்னுடுய வரலாற்றில் இந்த எழுத்துக்களை பொறித்து கொள்ளும் என்பதில் எள்ளளவும் சந்தேகம் இல்லை..

சென்னை மற்றும் மதுரை பாசறை கூட்டத்திலும் கலந்துக்கொண்டு "எப்படி"..அப்படின்னு புகைப்படத்திற்கு போஸ் கொடுத்த புண்ணியவான்களுக்கு நாங்களும் போஸ் கொடுப்போம் சொல்லி வச்ச மாதிரி அன்னிக்கு அப்படி..

அப்புறம் முக்கியமாக செயற் குழுவில் கலந்து கொள்ளும் பதிவர்கள் கவனத்திற்கு..இது அமீரகத்தில் கடுமையான பனிக்காலம் என்பதால் வரும்பொழுதே வெளி ஸ்வட்டேர், உள் ஸ்வட்டேர் இதை எல்லாம் அணிந்து வரும்ப்படி தாழ்மையுடன் கேட்டுக்கொள்கிறேன்..அப்புறம் அங்க வந்துட்டு ஐயோ நடுங்குதே குளிருதே அப்படின்னு சொல்லப்புடாது..

வரும் பதிவர்கள் அனைவருக்கும் கண்ணா தான் வளர்க்கும் ஒட்டகத்தில் இருந்து நம் கண் முன்னாலேயே பால் கறந்து காபி போட்டு கொடுப்பார் என்பதை மகிழ்ச்சியுடன் தெரிவித்து கொள்கிறேன்..

பதிவர் கலையரசன் செயற் குழுவிற்கு வரும் பதிவர்கள் அனைவரையும் தீர்த்தவாரி திருவிழாவிற்கு தன் செலவில் அழைத்து செல்வார் என்பதையும் தெரிவித்து கொள்கிறேன்..

அப்புறம் மிக முக்கியமாக என் சார்பில் அமீரகத்தில் நீங்கள் எங்கு தேடினாலும் கிடைக்காத "பாலைவன மணல்" பாக்கெட் போட்டு தரப்படும்.. அனைவரும் வருக..